2017最新私院房價收費: 最平HK6,600/晚 vs HK500/晚
有病痛入私院，你份保險係咪保得晒?
好多人話養和醫院大角手多，醫療設備先進，名牌醫院既指標；當然仲有名人大劉至愛既明德醫院，都係唔少有錢人既選擇。就算醫療保險，有病痛都想住好的，以醫院大房/普通病房為例，最平500/晚到1,630/晚都有，入院登記前記得check下自己個plan可以住到乜野級別。當然，入院看房價係最基本第一步，仲有入院費用都要留意。
保險未必包晒所有私家醫院
好似明德、及最新既港怡醫院，唔係間間保險公司都包，投保前要問真。
大房計劃入住半私家，賠償減半計。
有時醫院房間爆滿(最常見係普通病房)，登記check in時有可能要焗住升級半私家，如果投保了任院保險，級別屬大房，入住半私家病房，賠償會減半，呢點讀者要留意。
有病有痛，比得起錢，首選暫仍屬養和。
據非正式統計，當有婦科病或內科問題時，最多人首選仍係養和，原因可能係醫療設備齊存先進。
清楚以下重點，住院保險賠償不求人。
如果要入住醫院，出院後向保險賠償，一般處理時間約10至14個工作天，大家記得預備以下文件交比保險公司，就可以處理索償:
1. 保險公司理賠表格(記得出院前，交費處比醫院蓋印。
表格可以係入院期間，任何時間，交比醫院姑娘，佢地就會交比醫生填及簽名，如果入院前沒有理賠表格在身，可通知家人或保險顧問或保險公司客服服務部，用醫院傳真服務張表格傳真比你，就可以了。
2. 出院收據理正本
3. 醫院報告副本
好多時，做了部份診斷，可能報告未必係出院時可以到手，可以等齊，先一次過交比保險公司。
4. 覆診收據正本
如果有覆診，就記得張收據交埋比保險公司做索償
5. 郵寄保險公司或交給保險顧問處理
以上資料只供參考，讀者有關醫學問題，宜向醫生查詢，平台上意見不代表醫生或保險公司立場，純屬意見交流。Great Info已盡力保證以上保險資料準確，唯有關資料任何更改，一切以保險公司為準，讀者不應視以上資料為投保要約，投保前宜向持牌顧問查詢。
資料來源:
1. 香港各大私家醫院
2. 更新日期: 2017年10月
*收費範圍根據床位的景觀決定 (靠窗) #收費範圍根據房間的裝修決定
醫院連結
1. 嘉諾撒醫院
2. 香港港安醫院- 司徒拔道
3. 養和醫院
4. 明德國際醫院
5. 聖保祿醫院
6. 港怡醫院
7. 香港浸信會醫院
8. 播道醫院
9. 寶血醫院
10. 聖德肋撒醫院
11. 香港港安醫院- 荃灣
12. 仁安醫院
